«Заң және Тәртіп» идеологиясын ілгерілету тұжырымдамасын іске асыру аясында балабақшада «Полиция қызметкері – балалардың досы және қорғаушысы! Полицеймен бірге қауіпсіз!» атты іс-шара өтті.

Кездесудің бастамашылары Ғабит Мүсірепов атындағы аудан прокуратурасы мен аудандық полиция бөлімінің өкілдері болды. Іс-шараға білім бөлімінің маманы да қатысты.

Іс-шараға аға прокурор В.Н. Осипова, кәмелетке толмағандар ісі жөніндегі аға инспектор М.Д. Кубитаева, кәмелетке толмағандар ісі жөніндегі инспектор А.К. Джунусова, ГБСБН инспекторы С.М. Оразаева, сондай-ақ білім бөлімінің маманы М.Н. Исентемирова қатысты.

Іс-шараның басты мақсаты – балалардың полиция қызметкерлеріне деген сенімін қалыптастыру, құқық қорғау органдарының оң бейнесін қалыптастыру және қауіпсіз мінез-құлықтың бастапқы дағдыларын дамыту болды.

Полиция қызметкерлері балаларға жеке қауіпсіздік ережелерін түсінікті әрі қызықты түрде түсіндірді.

Кездесу жылы әрі достық жағдайда өтіп, балаларға ерекше әсер қалдырды.

Іс-шара соңында тәрбиеленушілерге естелік сыйлықтар табысталды. Бұл балалардың жағымды эмоцияларын арттырып, олардың құқық қорғау органдары қызметкерлеріне деген сенімі мен ізгі қарым-қатынасын нығайтуға ықпал етті.